പി. പി .ദിവ്യയെ നീക്കി;
കണ്ണൂര് ജില്ലാ പഞ്ചായത്തിന് പുതിയ പ്രസിഡന്റ്
കണ്ണൂര് : പൊലീസ് കേസെടുത്ത് അന്വേഷണം നടത്തിവരുന്നതിനാല് കണ്ണൂര് ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്നും പി.പി. ദിവ്യ ഒഴിവാകണമെന്ന് ജില്ലാ സെക്രട്ടറിയേറ്റ് കണ്ടുവെന്നും അത് ദിവ്യ അംഗീകരിച്ചതിനെ തുടര്ന്ന് പുതിയ ജില്ലാ പഞ്ചായത്ത് പ്രസിഡന്റായി അഡ്വ. കെ.കെ. രത്നകുമാരിയെ പരിഗണിക്കാന് സെക്രട്ടറിയേറ്റ് തീരുമാനിച്ചതായും സിപിഐഎം കണ്ണൂര് ജില്ലാ സെക്രട്ടറിയേറ്റ് പ്രസ്താവനയില് അറിയിച്ചു.
കണ്ണൂര് എ.ഡി.എം. ആയിരുന്ന നവീന്ബാബുവിന്റെ അപ്രതീക്ഷിതവും വേദനാജനകവുമായ വേര്പാടിനെ തുടര്ന്ന് കണ്ണൂര് ജില്ലാ സെക്രട്ടറിയേറ്റ് നേരത്തേ ചില പ്രതികരണങ്ങള് നടത്തിയിരുന്നു.
അഴിമതിക്കെതിരായ സദുദ്ദേശ വിമര്ശനമാണ് ജില്ലാ പഞ്ചായത്ത് പ്രസിഡന്റ് നടത്തിയതെങ്കിലും യാത്രയയപ്പ് യോഗത്തില് നടത്തിയ ചില പരാമര്ശങ്ങള് ഒഴിവാക്കേണ്ടതായിരുന്നു എന്ന നിലപാടാണ് അന്ന് പാര്ട്ടി സ്വീകരിച്ചത്.
അതോടൊപ്പം സമഗ്രമായ അന്വേഷണം നടത്തണമെന്ന് സര്ക്കാറിനോട് ആവശ്യപ്പെടുകയും ചെയ്തതായും സെക്രട്ടേറിയറ്റ് അറിയിച്ചു .
(വാർത്ത - കടപ്പാട് :ദേശാഭിമാനി )
വാർത്തകൾ പ്രസിദ്ധീകരിക്കാൻ
8714910399വാർത്തകളും വിശേഷങ്ങളും മുടങ്ങാതെ ലഭിക്കാൻ വാട്സ്ആപ്പ് ഗ്രൂപ്പിൽ അംഗം ആവുക
Join WhatsApp Group