![പ്രണയപ്പകയിൽ കഴുത്തറുത്തു ;വിഷ്ണുപ്രിയ കൊലക്കേസില് പ്രതിക്ക് ജീവപര്യന്തവും 10 വര്ഷം തടവും](public/uploads/2024-05-13/capture.jpg)
കണ്ണൂര്: പാനൂരിനടുത്ത് വള്ള്യായി കണ്ടോത്തുംചാല്
നടമ്മലില് വിഷ്ണുപ്രിയ(25)-യെ വീട്ടില്ക്കയറി
കഴുത്തറത്ത് കൊന്ന സംഭവത്തില് പ്രതിക്ക്
ജീവപര്യന്തം. ഇതിനുപുറമേ പത്തുവര്ഷം തടവും
പ്രതിക്ക് ശിക്ഷ വിധിച്ചിട്ടുണ്ട്.
മാനന്തേരി താഴെകളത്തില് വീട്ടില് എം. ശ്യാംജിത്ത്(28) ന് ആണ് തലശ്ശേരി അഡീഷണല് ജില്ലാ കോടതി(ഒന്ന്) ജഡ്ജി എ.വി മൃദുല ശിക്ഷിച്ചത്. കൊലപാതകക്കുറ്റത്തിനാണ് പ്രതിക്ക് ജീവപര്യന്തം ശിക്ഷ വിധിച്ചത്. വീട്ടില് അതിക്രമിച്ചുകയറിയ കുറ്റത്തിന് 10 വര്ഷം തടവും അനുഭവിക്കണം. ഇതിനൊപ്പം രണ്ട് ലക്ഷം രൂപ പിഴയും ചുമത്തിയിട്ടുണ്ട്.
കേസില് പ്രതി കുറ്റക്കാരനാണെന്ന് കോടതി കഴിഞ്ഞ ശനിയാഴ്ച കണ്ടെത്തിയിരുന്നു. 302, 449 എന്നീ വകുപ്പുകള് പ്രകാരമാണ് പ്രതി കുറ്റക്കാരനാണെന്ന് കോടതി കണ്ടെത്തിയിരുന്നത്.
2022 ഒക്ടോബര് 22 ശനിയാഴ്ച്ച ഉച്ചയ്ക്ക് 12 മണിയോടെയായിരുന്നു ദാരുണമായ സംഭവം. ഖത്തറില് ജോലിചെയ്തിരുന്ന വിനോദിന്റെയും ബിന്ദുവിന്റെയും മകളാണ് വിഷ്ണുപ്രിയ. കഴുത്തിന് ആഴത്തില് മുറിവേറ്റ നിലയിലാണ് വിഷ്ണുപ്രിയയെ കണ്ടത്. ഇരുകൈകള്ക്കും വെട്ടേല്ക്കുകയും ചെയ്തിരുന്നു.ദേഹത്ത് 29 മുറിവുകളാണുണ്ടായിരുന്നത്. പാനൂര് ന്യൂക്ലിയസ് ക്ലിനിക്കില് ഫാര്മസിസ്റ്റായിരുന്നു വിഷ്ണുപ്രിയ.
കൊലപാതകം നടക്കുന്നതിന്റെ ആറുദിവസം മുന്പ് വിഷ്ണുപ്രിയയുടെ അച്ഛമ്മ മരിച്ചതിനാല് ജോലിക്ക് പോയിത്തുടങ്ങിയിരുന്നില്ല. തൊട്ടടുത്തു തന്നെയായിരുന്നു അച്ഛമ്മയുടെ വീട്. ബന്ധുക്കളൊക്കെ അവിടെയായിരുന്നു. മരണവീട്ടില്നിന്ന് ബന്ധുവായ യുവതി, വിഷ്ണുപ്രിയയുടെ വീട്ടിലെത്തിയപ്പോഴാണ് സംഭവം ശ്രദ്ധയില്പ്പെടുന്നത്.
നിലവിളികേട്ട് ബന്ധുക്കളും നാട്ടുകാരും ഓടിയെത്തുകയായിരുന്നു. പ്രതി ശ്യാംജിത്ത് വീട്ടിലെത്തിയതും കൊലപാതകം നടത്തിയതും ആരും അറിഞ്ഞില്ല.
വിഷ്ണുപ്രിയയും ശ്യാംജിത്തും പ്രണയത്തിലായിരുന്നെന്നും കൊലപാതകം നടക്കുന്നതിന് രണ്ടുമാസംമുന്പ് ഇവര് തെറ്റിപ്പിരിഞ്ഞെന്നും ഇതാണ് കൊലപാതകത്തിന് കാരണമെന്നുമായിരുന്നു പോലീസ് പറഞ്ഞത്.
സംഭവസ്ഥലത്തുനിന്ന് രക്ഷപ്പെട്ട പ്രതി മാനന്തേരിയിലെ സ്വന്തം വീട്ടിലെത്തുകയും ചെയ്തിരുന്നു. ഫോണ് ലൊക്കേഷന് മനസ്സിലാക്കി പോലീസ് പിന്തുടര്ന്നെത്തിയാണ് അറസ്റ്റ് ചെയ്തത്. വിപിന, വിസ്മയ, അരുണ് എന്നിവരാണ് വിഷ്ണുപ്രിയയുടെ സഹോദരങ്ങള്.
( courtesy:mathrubhumi)
അക്രമസ്വഭാവം, അശാന്തി, ലൈംഗികാതിക്രമം, മദ്യത്തിന്റെയും മയക്കുമരുന്നിന്റെയും അമിതോപയോഗം, വെട്ടിക്കൊല്ലൽ ,ആത്മഹത്യാ പ്രവണത എന്നിവ കേരളത്തിൽവർധിച്ചു വരികയാണ്. ................
ഇവയൊക്കെ ഒരു പരിധിവരെയെങ്കിലും തടയാൻ ആത്മീയതയ്ക്കൊപ്പം സുദർശനക്രിയ എന്ന
ശ്വസനക്രിയയുടെ പരിശീലനം സഹായിക്കും.
എല്ലാവരുടെ ഉള്ളിലും ഒരു ശക്തിയുണ്ട്. അത് തിരിച്ചറിയുന്നതും
മനസ്സിലാക്കുന്നതും വ്യത്യസ്തമായ ഒരു പ്രക്രിയയാണ്.
ഉള്ളിലെ ശക്തി ഒരു അനുഭവമായി മാറുന്നതാണെന്ന്
അനുഭവസ്ഥർ സാക്ഷ്യപ്പെടുത്തുന്നു .
താൽപ്പര്യമുള്ളവർക്ക് ആർട് ഓഫ് ലിവിംഗ് കേന്ദ്രങ്ങളുമായി ബന്ധപ്പെടാം.
കല ,സാഹിത്യം ,ആത്മീയം .ബിസിനസ്സ് ,വിദ്യാഭ്യാസം ,
സയൻസ് & ടെക്നോളജി ,ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി ....മുടങ്ങാതെ ഓൺലൈനിൽ
വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു.
താഴെ കൊടുത്ത ലിങ്കിൽ ക്ളിക് ചെയ്ത് ജോയിൻ ചെയ്താലും .
https://chat.whatsapp.com/KqSXoUHr3379ho11fvP7FU
![](public/images/mediaface-ml.jpg)
വാർത്തകൾ പ്രസിദ്ധീകരിക്കാൻ
8714910399വാർത്തകളും വിശേഷങ്ങളും മുടങ്ങാതെ ലഭിക്കാൻ വാട്സ്ആപ്പ് ഗ്രൂപ്പിൽ അംഗം ആവുക
Join WhatsApp Group