മീത്തലെ മുക്കാളി അടിപ്പാത നിലനിർത്തുക : ജനകീയ പ്രക്ഷോഭം തുടരുന്നു

.മുക്കാളി : വടകര താലൂക്കിലെ പ്രമുഖ വ്യാപാര വ്യവസായ കേന്ദ്രമായ ചോമ്പാൽ ഹാർബർ, സി എസ് ഐ മുള്ളർ വിമൻസ് കോളേജ്, ബി ഇ എം യുപി സ്കൂൾ, ചോമ്പാല ബീച്ചുമ്മാ ജുമാ മസ്ജിദ്, ചോമ്പാൽ ഭഗവതി ക്ഷേത്രം, ശ്രീനാരായണ ഗുരു പഠന കേന്ദ്രം, ചോമ്പാല അവതൂതമാത സമാധി മണ്ഡപം, എന്നീ സ്ഥലങ്ങളിലേക്ക് പോകേണ്ടവർ വർഷങ്ങളായി ആശ്രയിച്ചുകൊണ്ടിരിക്കുന്ന മീത്തലെ മുക്കാളി അടിപ്പാത നാഷണൽ ഹൈവേ വികസനത്തിന്റെ ഭാഗമായി നഷ്ടപ്പെടാതെ നിലനിർത്തുന്നതിന് വേണ്ടി ചോമ്പാലിലും പരിസരപ്രദേശങ്ങളിലുമുള്ള ജനങ്ങൾ നടത്തിവരുന്ന പ്രക്ഷോഭം ശക്തിപ്പെടുത്തുന്നതിൻ്റെ ഭാഗമായി മീത്തലെ മുക്കാളിയിൽ സമരം ഊർജ്ജിതപ്പെടുകയാണ്.

വന്ദ്യവയോധികരും യുവാക്കളും അമ്മമാരുമടങ്ങുന്ന നാട്ടുകൂട്ടായ്മയിൽ സന്ധിയില്ലാസമരത്തിൻറെ മുന്നൊരുക്കമെന്നനിലയിൽ വിപുലമായ കൺവെൻഷൻ നടന്നു..