തിരുവനന്തപുരം: ഊരാളുങ്കൽ ലേബർ കോൺട്രാക്‌ട് കോ ഓപ്പറേറ്റീവ് സൊസൈറ്റി (യു.എൽ.സി.സി.എസ്.) ഏറ്റെടുത്ത നിർമ്മാണപ്രവൃത്തികൾ വൈകുന്നതിൽ അന്ത്യശാസനവുമായി പൊതുമരാമത്ത് വകുപ്പ് മന്ത്രി പി.കെ. ബഷീർ. പ്രവൃത്തികളെല്ലാം ഫെബ്രുവരി മാസത്തിനകം പൂർത്തിയാക്കണമെന്നാണ് മന്ത്രിയുടെ കടുത്ത നിർദേശം.
പൊതുമരാമത്ത് വകുപ്പിന്റെ 1600 കോടി രൂപയുടെയും കിഫ്ബിയുടെ 1500 കോടി രൂപയുടെയും കെ.എസ്.ടി.പി.യുടെ 700 കോടി രൂപയുടെയും പദ്ധതികളാണ് നിലവിൽ പൂർത്തിയാകാതെ നീണ്ടുപോകുന്നത്. കോഴിക്കോട്, വയനാട്, പാലക്കാട് ജില്ലകളിലെ നിർമ്മാണപ്രവർത്തനങ്ങളെയാണ് ഇത് കൂടുതലായും ബാധിച്ചിരിക്കുന്നത്.
വിവിധ മേഖലകളിലെ ഫ്ലൈഓവറുകൾ, പാലങ്ങൾ, റോഡുകൾ തുടങ്ങിയവയുടെ നിർമ്മാണമാണ് പ്രതീക്ഷിച്ച വേഗത കൈവരിക്കാതെ ഇഴഞ്ഞുനീങ്ങുന്നത്.
കേരളത്തിലെ പദ്ധതികൾ സമയബന്ധിതമായി പൂർത്തിയാക്കാതെ മറ്റ് സംസ്ഥാനങ്ങളിൽ വൻതോതിൽ നിർമ്മാണ പ്രവർത്തനങ്ങൾ ഏറ്റെടുക്കുന്നതിലും മന്ത്രി കടുത്ത അതൃപ്തി രേഖപ്പെടുത്തി. കഴിഞ്ഞ ദിവസം വിളിച്ചുചേർത്ത പദ്ധതി അവലോകന യോഗത്തിലായിരുന്നു മന്ത്രി നിർമ്മാണ സൊസൈറ്റിക്കെതിരെ കർശന വിമർശനവും അന്ത്യശാസനവും ഉന്നയിച്ചത്.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
