എസ്.എം.എ. ചികിത്സാധനസമാഹരണം: ആവശ്യമായ തുക ലഭിച്ചെന്ന വ്യാജപ്രചാരണത്തിൽ ആശങ്കയോടെ ഭാരവാഹികൾ

മുക്കം: അപൂർവ ജനിതക രോഗമായ എസ്.എം.എ. ബാധിച്ച മൂന്ന് കുരുന്നുകളുടെ ചികിത്സയ്ക്കായി നാടൊന്നാകെ രംഗത്തിറങ്ങിയിരിക്കെ, തുക മുഴുവൻ ലഭിച്ചെന്ന രീതിയിൽ നടക്കുന്ന വ്യാജപ്രചാരണം ധനസമാഹരണ കമ്മിറ്റിയെ പ്രതിസന്ധിയിലാക്കുന്നു. കുട്ടികളുടെ ചികിത്സയ്ക്ക് ആവശ്യമായ 50 കോടി രൂപ സമാഹരിച്ചെന്നും ഇനി പണം അയക്കേണ്ടതില്ലെന്നും കാട്ടി സാമൂഹികമാധ്യമങ്ങളിൽ പ്രചരിക്കുന്ന ശബ്ദസന്ദേശമാണ് സമാഹരണത്തെ പ്രതികൂലമായി ബാധിച്ചത്.

​കല്ലുരുട്ടി പൂവ്വത്തേരിച്ചാലിൽ ഒറ്റപ്രസവത്തിലുണ്ടായ ഡേവിഡ്, ഏഥൻ, ഒലിവർ എന്നീ കുട്ടികളുടെ ചികിത്സയ്ക്കായി 50 കോടി രൂപയാണ് ആകെ വേണ്ടത്. ജനകീയ ധനസമാഹരണം 20 ദിവസം പിന്നിട്ടപ്പോൾ 16.30 കോടി രൂപ മാത്രമാണ് ലഭിച്ചത്. ദിവസം ഒരു കോടി രൂപ വീതം ലക്ഷ്യമിട്ട് പ്രവർത്തനം നടക്കുമ്പോൾ വ്യാജപ്രചാരണം വന്നതോടെ സമാഹരണം മന്ദഗതിയിലായി. വരും ദിവസങ്ങളിൽ 33 കോടിയിലധികം രൂപ കൂടി കണ്ടെത്തേണ്ടതുണ്ടെന്ന് ഭാരവാഹികൾ വ്യക്തമാക്കി.

​ജനപ്രതിനിധികളും പ്രാദേശിക നേതാക്കളും രക്ഷാധികാരികളായ ജനകീയ കമ്മിറ്റിയാണ് ധനസമാഹരണത്തിന് നേതൃത്വം നൽകുന്നത്.

​ചികിത്സാ സഹായം അയക്കാനുള്ള വിവരങ്ങൾ

​അക്കൗണ്ട് ഉടമ: അരുൺ പി.ഡി.

​അക്കൗണ്ട് നമ്പർ: 21360100162505

​IFSC കോഡ്: FDRL0002136

​പണം ട്രാൻസ്ഫർ ചെയ്യുമ്പോൾ ശ്രദ്ധിക്കേണ്ട കാര്യങ്ങൾ:

​Google Pay (UPI ID) വഴി: ആപ്പിന്റെ പ്രധാന സെർച്ച് ബാറിന് പകരം Pay Anyone എന്ന ഓപ്ഷൻ തിരഞ്ഞെടുത്ത് UPI ID നൽകുക. വിവരങ്ങൾ ശരിയാണെന്ന് ഉറപ്പുവരുത്തിയ ശേഷം മാത്രം തുക കൈമാറുക.

​Direct Bank Transfer വഴി: UPI ആപ്പുകളിലെ ബാങ്ക് ട്രാൻസ്ഫർ ഓപ്ഷന് പകരം ഔദ്യോഗിക ബാങ്കിങ് ആപ്പുകൾ (Net Banking/Mobile Banking App) മാത്രം ഉപയോഗിച്ച് ട്രാൻസ്ഫർ ചെയ്യുക.