പാലക്കാട്: മൂലത്തറയിൽ വയോധികനെ തല്ലിക്കൊന്നത് ആൾക്കൂട്ട കൊലപാതകമാണെന്ന് പോലീസ്. മൂലക്കട സ്വദേശി കതിരേശൻ ഉൾപ്പെടെ ആറ് പേരെ മീനാക്ഷിപുരം പോലീസ് അറസ്റ്റ് ചെയ്തു. മരിച്ച വയോധികൻ ആരെന്ന് ഇതുവരെ തിരിച്ചറിഞ്ഞിട്ടില്ല. സംഭവത്തിൽ തമിഴ്‌നാട് കേന്ദ്രീകരിച്ചും പോലീസ് അന്വേഷണം ആരംഭിച്ചിട്ടുണ്ട്.
മൂലത്തറ ഡാമിന് സമീപത്തെ വിജനമായ പ്രദേശത്താണ് വയോധികനെ മരിച്ച നിലയിൽ കണ്ടെത്തിയത്. ശരീരമാസകലം പരിക്കുകളും ആഴത്തിലുള്ള മുറിവുകളുമുണ്ടായിരുന്നു. തുടർന്ന് മൃതദേഹം പോസ്റ്റ്‌മോർട്ടത്തിന് അയച്ചപ്പോഴാണ് ഇത് ക്രൂരമായ മർദനത്തിനിരയായുള്ള കൊലപാതകമാണെന്ന് വ്യക്തമായത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ പരിശോധനയ്ക്കൊടുവിലാണ് പ്രതികളെ പിടികൂടിയത്.
ആക്രമണം മദ്യലഹരിയിലായിരുന്നുവെന്നാണ് പോലീസിന്റെ പ്രാഥമിക നിഗമനം. കൊല്ലപ്പെട്ട വയോധികൻ സ്ഥിരമായി കതിരേശന്റെ വീട്ടുറ്റത്ത് കിടന്നതുമായി ബന്ധപ്പെട്ട വൈരാഗ്യത്തിൽ, കതിരേശൻ ബന്ധുക്കളെയും സുഹൃത്തുക്കളെയും കൂട്ടി വയോധികനെ ആക്രമിക്കുകയായിരുന്നു. മരവടിയും കല്ലും ഉപയോഗിച്ചായിരുന്നു ആക്രമണം. പ്രതികളെ സംഭവസ്ഥലത്തെത്തിച്ച് പോലീസ് തെളിവെടുപ്പ് നടത്തി.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്ത് ജോയിൻ ചെയ്‌താലും .
Join WhatsApp GroupRelated Articles
