കട്ടപ്പനയിലെ മധ്യവയസ്കന്റേത് കൊലപാതകം: മൂന്നുപേർ അറസ്റ്റിൽ

കട്ടപ്പന: ഇടുക്കി കട്ടപ്പനയിൽ മധ്യവയസ്കനെ മരിച്ച നിലയിൽ കണ്ടെത്തിയ സംഭവം കൊലപാതകമാണെന്ന് പൊലീസ് സ്ഥിരീകരിച്ചു. സംഭവവുമായി ബന്ധപ്പെട്ട് കട്ടപ്പന സ്വദേശികളായ റിനുമോൻ, സുരേഷ്, ബാബു എന്നിവരെ പൊലീസ് അറസ്റ്റ് ചെയ്തു. കട്ടപ്പന സ്വദേശി കുഞ്ഞുമോനാണ് കൊല്ലപ്പെട്ടത്.

​കഴിഞ്ഞ ഉത്രാട ദിനത്തിൽ രാത്രി പാതയോരത്ത് അവശനിലയിൽ കണ്ടെത്തിയ കുഞ്ഞുമോന്റെ മരണത്തിൽ ആദ്യം അസ്വാഭാവിക മരണത്തിനാണ് പൊലീസ് കേസെടുത്തിരുന്നത്. എന്നാൽ, പ്രതികൾ ചേർന്ന് കുഞ്ഞുമോനെ ക്രൂരമായി മർദ്ദിച്ച് അവശനാക്കിയ ശേഷം പടിക്കെട്ടിലൂടെ വലിച്ചിഴച്ച് റോഡിൽ ഉപേക്ഷിക്കുകയായിരുന്നുവെന്ന് അന്വേഷണത്തിൽ വ്യക്തമായി.

​പ്രതികൾ കുഞ്ഞുമോനെ പടിക്കെട്ടിലൂടെ വലിച്ചിഴച്ച് റോഡിലെത്തിക്കുന്നത് കണ്ടെന്ന ഓട്ടോ ഡ്രൈവറുടെ മൊഴിയാണ് കേസിൽ നിർണായക വഴിത്തിരിവായതെന്ന് ഇടുക്കി എസ്.പി. ഡോ. എ. നസിം പറഞ്ഞു.