ഓളപ്പരപ്പിലെ പോരിനൊരുങ്ങി പുന്നമട; നെഹ്റു ട്രോഫി ജലമേള നാളെ, മുഖ്യമന്ത്രി ഉദ്ഘാടനം ചെയ്യും

ആലപ്പുഴ: ഓളപ്പരപ്പിലെ ആവേശപ്പോരാട്ടത്തിന് പുന്നമടക്കായൽ ഒരുങ്ങി. 72-ാമത് നെഹ്റു ട്രോഫി ജലമേള നാളെ മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. കർണാടക മുഖ്യമന്ത്രി ഡി.കെ. ശിവകുമാറും കേന്ദ്രമന്ത്രി ഗജേന്ദ്ര സിംഗ് ഷെഖാവത്തും ചടങ്ങിൽ മുഖ്യാതിഥികളാകും. ചെറുതും വലുതുമായ 70-ലേറെ വള്ളങ്ങളാണ് ഇത്തവണ മത്സരരംഗത്തുള്ളത്. ഇതിൽ 22 ചുണ്ടൻ വള്ളങ്ങളും ഉൾപ്പെടുന്നു.

​ജലമേളയുമായി ബന്ധപ്പെട്ട് നേരത്തെ പുറത്തിറക്കിയ ഔദ്യോഗിക പോസ്റ്ററിൽ കൊടിക്കുന്നിൽ സുരേഷ് എം.പി.യുടെ ചിത്രം ഒഴിവാക്കിയത് വലിയ വിവാദങ്ങൾക്ക് വഴിവെച്ചിരുന്നു. എന്നാൽ, വിവാദങ്ങൾക്ക് പരിഹാരമായി അദ്ദേഹത്തിന്റെ ചിത്രം കൂടി ഉൾപ്പെടുത്തി തയ്യാറാക്കിയ പുതിയ പോസ്റ്റർ പുറത്തിറക്കിയാണ് സംഘാടകർ പ്രതിഷേധം തണുപ്പിച്ചത്.