തൃശൂരില്‍ യുവതിക്ക് കുത്തേറ്റു

തൃശൂർ: തൃശൂർ കോടന്നൂരിൽ കടയിൽ സാധനം വാങ്ങാനെത്തിയ യുവതിക്ക് കുത്തേറ്റു. പള്ളിപ്പുറം സ്വദേശി വൈഷ്ണവിക്കാണ് (22) ആക്രമണത്തിൽ പരിക്കേറ്റത്. സംഭവത്തിൽ നിരവധി ക്രിമിനൽ കേസുകളിൽ പ്രതിയായ കോടന്നൂർ സ്വദേശി അശ്വിനായി പോലീസ് തിരച്ചിൽ ശക്തമാക്കി. ഞായറാഴ്ച വൈകിട്ടോടെയായിരുന്നു നാടിനെ നടുക്കിയ സംഭവം.

​കടയിൽ സാധനങ്ങൾ വാങ്ങുന്നതിനിടെ എത്തിയ അശ്വിൻ കൈയിൽ കരുതിയിരുന്ന കത്തി ഉപയോഗിച്ച് വൈഷ്ണവിയെ കുത്തുകയായിരുന്നു. തടയാൻ ശ്രമിച്ച വൈഷ്ണവിയോടൊപ്പമുണ്ടായിരുന്ന യുവാവിനും ആക്രമണത്തിൽ പരിക്കേറ്റിട്ടുണ്ട്. കൃത്യം നടത്തിയ ഉടൻ തന്നെ പ്രതി സംഭവസ്ഥലത്തുനിന്ന് ഓടി രക്ഷപ്പെട്ടു.

​പരിക്കേറ്റ വൈഷ്ണവിയെയും ഒപ്പമുണ്ടായിരുന്ന യുവാവിനെയും ഉടൻ തന്നെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. വൈഷ്ണവിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു. ആക്രമണത്തിന് പിന്നിലെ കാരണം വ്യക്തമല്ലെങ്കിലും വ്യക്തിവൈരാഗ്യമാണോ എന്ന് പോലീസ് സംശയിക്കുന്നുണ്ട്. സംഭവത്തിൽ ചേ Normal വി സി.ഐയുടെ നേതൃത്വത്തിൽ അന്വേഷണം ആരംഭിച്ചു.