എൽ.പി.ജി. ബുക്കിങ് കാത്തിരിപ്പ് കാലയളവ് കുറയ്ക്കണം: കേന്ദ്രമന്ത്രിക്ക് കത്തയച്ച് മന്ത്രി അനൂപ് ജേക്കബ്

തിരുവനന്തപുരം: ഓണക്കാലത്ത് ഗാർഹിക പാചകവാതക വിതരണത്തിനുള്ള കാത്തിരിപ്പ് കാലയളവ് കുറയ്ക്കണമെന്ന് ആവശ്യപ്പെട്ട് സംസ്ഥാന ഭക്ഷ്യ-സിവിൽ സപ്ലൈസ് വകുപ്പ് മന്ത്രി അനൂപ് ജേക്കബ് കേന്ദ്ര പെട്രോളിയം മന്ത്രി ഹർദീപ് സിങ് പുരിക്ക് കത്തയച്ചു. നിലവിൽ ഗാർഹിക ഇന്ധന ബുക്കിങ്ങിനുള്ള കാത്തിരിപ്പ് സമയം ഗ്രാമപ്രദേശങ്ങളിൽ 45 ദിവസവും നഗരങ്ങളിൽ 25 ദിവസവുമാണ്.

​ഓണക്കാലത്ത് ശരാശരി ഉപയോഗത്തേക്കാൾ കൂടുതൽ പാചകവാതകം ആവശ്യമായി വരുന്നതിനാൽ ഈ നിയന്ത്രണം കുടുംബങ്ങളെ പ്രതികൂലമായി ബാധിക്കുമെന്നും കത്തിൽ ചൂണ്ടിക്കാട്ടുന്നു. അതിനാൽ സംസ്ഥാനത്ത് എൽ.പി.ജി. ക്ഷാമം ഒഴിവാക്കാനായി ഗ്യാസ് റീഫിൽ ബുക്കിങ്ങിന് ഏർപ്പെടുത്തിയിരിക്കുന്ന കാത്തിരിപ്പ് സമയ നിയന്ത്രണങ്ങൾ ഉടനടി പിൻവലിക്കണമെന്നാണ് മന്ത്രിയുടെ ആവശ്യം.