കോഴിക്കോട് എം.ഡി.എം.എ കേസ്: രണ്ട് അധ്യാപികമാരെ കസ്റ്റഡിയിൽ വാങ്ങാൻ അന്വേഷണ സംഘം

കോഴിക്കോട്: വടകരയിൽ അധ്യാപകർ ഉൾപ്പെട്ട എം.ഡി.എം.എ കേസിൽ റിമാൻഡിൽ കഴിയുന്ന അധ്യാപികമാരായ കാവ്യ, നീഷ്മ എന്നിവരെ കസ്റ്റഡിയിൽ വാങ്ങാൻ അന്വേഷണ സംഘം നീക്കം ആരംഭിച്ചു. ഇരുവരെയും ചോദ്യം ചെയ്യുന്നതിനായി വടകര എൻ.ഡി.പി.എസ് കോടതിയിൽ അപേക്ഷ നൽകും. പ്രതികളിൽ നിന്ന് ലഭിക്കുന്ന വിവരങ്ങളുടെ അടിസ്ഥാനത്തിൽ അന്വേഷണം കൂടുതൽ ആളുകളിലേക്ക് വ്യാപിപ്പിക്കാനാണ് പൊലീസിന്റെ തീരുമാനം.

​നേരത്തെ കസ്റ്റഡിയിൽ വാങ്ങിയ പേരാമ്പ്ര ബി.ആർ.സി മുൻ സ്പെഷ്യലിസ്റ്റ് അധ്യാപിക കീർത്തനയെ വിശദമായി ചോദ്യം ചെയ്തിരുന്നു. ഇവരുടെ മൊഴിയുടെ അടിസ്ഥാനത്തിൽ കാവ്യ, നീഷ്മ എന്നിവരുടെ മൊഴികൾ കൂടി പരിശോധിക്കും. അതേസമയം കേസിൽ റിമാൻഡിലുള്ള കാവ്യ, നീഷ്മ, ജിജിൽ, സഫ്വാൻ എന്നിവർ ജാമ്യത്തിനായി കോടതിയെ സമീപിച്ചിട്ടുണ്ട്. പ്രത്യേക അന്വേഷണ സംഘമാണ് നിലവിൽ കേസ് അന്വേഷിക്കുന്നത്.