മാലിന്യക്കൂട്ടമായി തിരൂർ-പൊന്നാനി പുഴ: നടപടിയെടുക്കാതെ അധികൃതർ

തിരൂർ-പൊന്നാനി പുഴയിൽ പരസ്യമായി മാലിന്യങ്ങൾ തള്ളുന്നത് കാരണം പുഴ കടുത്ത മലിനീകരണ ഭീഷണി നേരിടുന്നു. തിരൂർ താഴെപ്പാലത്തെ ബോട്ടുജെട്ടിക്ക് സമീപമാണ് നിലവിൽ വൻതോതിൽ മാലിന്യങ്ങൾ കെട്ടിക്കിടക്കുന്നത്. മുൻപും ഈ ഭാഗങ്ങളിൽ വ്യാപകമായ മലിനീകരണം കാരണം മത്സ്യങ്ങൾ കൂട്ടത്തോടെ ചത്തുപൊന്തുന്നത് പതിവായിരുന്നു.

​ലക്ഷക്കണക്കിന് രൂപ ചെലവഴിച്ച് പുഴയിലെ മണ്ണും ചെളിയും കോരിയെടുത്ത് ആഴം കൂട്ടിയ ശേഷമാണ് വീണ്ടും ഈ ദുരവസ്ഥ ഉണ്ടായിരിക്കുന്നത്. ഇതിനുപുറമേ പല കേന്ദ്രങ്ങളിൽ നിന്നും മലിനജലം നേരിട്ട് പുഴയിലേക്ക് ഒഴുക്കിവിടുന്നതും പ്രതിസന്ധി രൂക്ഷമാക്കുന്നുണ്ട്. എന്നാൽ, പുഴയോരത്തിന്റെ പൂർണമായ അധികാരചുമതല ടൂറിസം വകുപ്പിനാണെന്ന മറുപടി നൽകി ഒഴിഞ്ഞുമാറുകയാണ് പ്രാദേശിക ആരോഗ്യവിഭാഗം അധികൃതർ.