ബാലുശേരിയിൽ ആൺകുട്ടികളെ ലൈംഗികമായി പീഡിപ്പിച്ച കേസ്; മധ്യവയസ്കൻ അറസ്റ്റിൽ

കോഴിക്കോട്: ബാലുശേരിയിൽ പ്രായപൂർത്തിയാകാത്ത ആൺകുട്ടികളെ ലൈംഗികമായി പീഡിപ്പിച്ച കേസിൽ മധ്യവയസ്കനെ പോലീസ് അറസ്റ്റ് ചെയ്തു. ഉണ്ണികുളം മങ്ങാട് സ്വദേശിയായ സി.പി. ലത്തീഫ് (59) ആണ് ബാലുശേരി പോലീസിന്റെ പിടിയിലായത്. പ്രായപൂർത്തിയാകാത്ത മൂന്ന് ആൺകുട്ടികളെ ഇയാൾ ലൈംഗികാതിക്രമത്തിന് ഇരയാക്കിയെന്നാണ് പോലീസ് കണ്ടെത്തൽ. കുട്ടികളെ ഇരുചക്രവാഹനത്തിൽ കയറ്റി സ്വന്തം വീട്ടിലെത്തിച്ചാണ് ഇയാൾ പീഡിപ്പിച്ചിരുന്നത്. കുട്ടികളുടെ രക്ഷിതാക്കൾ നൽകിയ പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് പ്രതി വലയിലായത്.

​പീഡനത്തിനിരയായ കുട്ടികളുടെ പരാതികളിൽ പ്രതിക്കെതിരെ പോക്സോ നിയമപ്രകാരമാണ് കേസ് രജിസ്റ്റർ ചെയ്തിരിക്കുന്നത്. അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.