അച്ഛന്റെ സഹോദരിയെ വെട്ടിക്കൊലപ്പെടുത്തി യുവാവ്; പ്രതി പോലീസ് സ്റ്റേഷനിലെത്തി കീഴടങ്ങി

പാലക്കാട്: മണ്ണാർക്കാട് അച്ഛന്റെ സഹോദരിയെ യുവാവ് വെട്ടിക്കൊലപ്പെടുത്തി. മണ്ണാർക്കാട് ചേറുംകുളം കരിമ്പൻകുന്ന് ആദിവാസി ഉന്നതിയിലെ മാധവിക്കുട്ടി (60) ആണ് കഴുത്തിന് ഗുരുതരമായി വെട്ടേറ്റ് മരിച്ചത്. ആക്രമണത്തിന് ശേഷം പ്രതിയായ ചേറുംകുളം സ്വദേശി ശശി (42) മണ്ണാർക്കാട് പോലീസ് സ്റ്റേഷനിലെത്തി കീഴടങ്ങുകയായിരുന്നു.

​ഇരുവരും ഒരേ വീട്ടിലാണ് താമസിച്ചിരുന്നത്. പ്രതിയായ ശശി മാധവിക്കുട്ടിയോട് പണം ആവശ്യപ്പെട്ടിരുന്നതായും, ഇത് നൽകാത്തതിലുള്ള വൈരാഗ്യമാണ് ക്രൂരമായ ആക്രമണത്തിലേക്ക് നയിച്ചതെന്നും പോലീസ് വ്യക്തമാക്കുന്നു. ആക്രമണത്തിൽ ഗുരുതരമായി പരിക്കേറ്റ മാധവിക്കുട്ടിയെ ഉടൻതന്നെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ​പ്രതിയായ ശശിക്ക് മാനസിക പ്രശ്നങ്ങൾ ഉള്ളതായി ബന്ധുക്കൾ പോലീസിനോട് പറഞ്ഞിട്ടുണ്ട്. സംഭവത്തിൽ പോലീസ് കേസെടുത്ത് വിശദമായ അന്വേഷണം ആരംഭിച്ചു.