സുസ്ഥിര വികസനമാണ് കാലഘട്ടത്തിന്റെ ആവശ്യകതയെന്ന് സി.ആർ. നീലകണ്ഠൻ

കോട്ടയ്ക്കൽ: പ്രകൃതിയോട് ഇണങ്ങി ജീവിക്കാൻ കഴിയുന്നവർക്ക് മാത്രമേ യഥാർഥത്തിൽ അതിജീവനം സാധ്യമാകൂ എന്ന് പ്രമുഖ പരിസ്ഥിതിപ്രവർത്തകൻ സി.ആർ. നീലകണ്ഠൻ അഭിപ്രായപ്പെട്ടു. വികസനവും പരിസ്ഥിതി സംരക്ഷണവും ഒരിക്കലും പരസ്പരവിരുദ്ധമല്ലെന്നും സുസ്ഥിരമായ വികസന രീതികളാണ് ഇന്നത്തെ കാലഘട്ടം ആവശ്യപ്പെടുന്നതെന്നും അദ്ദേഹം കൂട്ടിച്ചേർത്തു. കോട്ടയ്ക്കൽ പീസ് പബ്ലിക് സ്കൂ‌ളിൽ സംഘടിപ്പിച്ച 'യുവ സൻസദ്-സോഷ്യൽ സയൻസ് ഫെസ്റ്റ് 2026'-ൽ 'വികസനവും പരിസ്ഥിതിയും' എന്ന വിഷയത്തെ ആസ്പദമാക്കി സംസാരിക്കുകയായിരുന്നു അദ്ദേഹം.

​ഈ പ്രഭാഷണത്തോടനുബന്ധിച്ച് നടന്ന പാനൽ ചർച്ചയിൽ ഒമ്പതാംക്ലാസ് വിദ്യാർഥിനി എൻ.പി. ഫിൽസ മോഡറേറ്ററായി ചുമതല വഹിച്ചു. ഡോ. സിമി നൈമ സലീം, കോട്ടയ്ക്കൽ എസ്.എച്ച്.ഒ. ദീപകുമാർ, കില ട്രെയിനർ ഒ. കെ. പ്രേമരാജൻ എന്നിവർ വിവിധ വിഷയങ്ങളിൽ ക്ലാസുകൾ നയിച്ചു. ചടങ്ങിൽ സ്കൂൾ പ്രിൻസിപ്പൽ എം. ജൗഹർ അധ്യക്ഷത വഹിച്ചു.