കോഴിക്കോട്ട് പ്രോവിഡൻസ് ഗേൾസ് എച്ച്.എസ്.എസിൽ ഇൻട്രാക്ടീവ് പാനലുകൾ ഉദ്ഘാടനം ചെയ്തു

കോഴിക്കോട് പ്രോവിഡൻസ് ഗേൾസ് ഹയർസെക്കൻഡറി സ്കൂളിലെ മുഴുവൻ ക്ലാസ് മുറികളിലും ഇൻട്രാക്ടീവ് പാനലുകൾ സ്ഥാപിച്ചു. പൊതുവിദ്യാഭ്യാസ മന്ത്രി എൻ. ഷംസുദ്ദീൻ പാനൽ സ്വിച്ച് ഓൺ ചെയ്‌തുകൊണ്ട് ഇതിന്റെ ഉദ്ഘാടനം നിർവഹിച്ചു. ചടങ്ങിൽ ദേശീയ സ്കൂൾ ബാൻഡ് മത്സരത്തിൽ ഒന്നാംസ്ഥാനം കരസ്ഥമാക്കിയ ബാൻഡ് ടീമിനെയും ദേശീയ ബാസ്ക്കറ്റ്ബോൾ ജേതാക്കളെയും പ്രധാനാധ്യാപിക സിസ്റ്റർ മരിയ മിനിഷയെയും മന്ത്രി പൊന്നാടയണിയിച്ച് ആദരിക്കുകയുണ്ടായി.

​പി.ടി.എ. പ്രസിഡൻ്റ് കെ. പ്രശാന്ത് അധ്യക്ഷതവഹിച്ച ചടങ്ങിൽ കെ. ജയന്ത് എം.എൽ.എ. മുഖ്യപ്രഭാഷണം നടത്തി. മാതൃഭൂമി ചെയർമാനും മാനേജിങ് എഡിറ്ററുമായ പി.വി. ചന്ദ്രൻ, പ്രൊവിഷ്യൽ സുപ്പീരിയർ സിസ്റ്റർ മരിയ ജസീന, കൗൺസിലർ സാഫറി വെള്ളയിൽ, മദർ സുപ്പീരിയർ സിസ്റ്റർ മരിയ സെലിൻ, എ.ഇ.ഒ. കെ.വി. മൃദുല, പ്രിൻസിപ്പൽ സിസ്റ്റർ സിൽവി ആൻ്റണി, എസ്.എം.സി. ചെയർമാൻ കെ. സജീവ് കുമാർ, സുനിത ശ്രീനിവാസ് തുടങ്ങിയവർ ചടങ്ങിൽ സംബന്ധിച്ച് സംസാരിച്ചു.