ലൈംഗിക അതിക്രമ പരാതി: താമരശ്ശേരി പഞ്ചായത്ത് ഭരണസമിതി യോഗം എൽ.ഡി.എഫ് അംഗങ്ങൾ ബഹിഷ്കരിച്ചു

താമരശ്ശേരി: ഗ്രാമപഞ്ചായത്തിന് കീഴിലുള്ള സ്ഥാപനത്തിലെ താൽക്കാലിക ജീവനക്കാരിക്ക് നേരെയുണ്ടായ ലൈംഗിക അതിക്രമ പരാതി ചർച്ച ചെയ്യാത്തതിൽ പ്രതിഷേധിച്ച് എൽ.ഡി.എഫ് അംഗങ്ങൾ ഭരണസമിതി യോഗം ബഹിഷ്കരിച്ചു. കെ.പി.സി.സി അംഗവും മുൻ താമരശ്ശേരി ഗ്രാമപഞ്ചായത്ത് അംഗവുമായ എ. അരവിന്ദൻ താൽക്കാലിക ജീവനക്കാരിയെ വീട്ടിലേക്ക് വിളിച്ചുവരുത്തി ലൈംഗിക അതിക്രമം നടത്തിയെന്നാണ് കേസ്.

​വിഷയത്തിൽ അതിജീവിതയുടെ വെളിപ്പെടുത്തലുകളും, തുടർന്ന് പഞ്ചായത്ത് ഓഫീസിലേക്ക് വിളിച്ചുവരുത്തി രാഷ്ട്രീയ നേതാക്കൾ യുവതിക്ക് മേൽ സമ്മർദ്ദം ചെലുത്തിയ സംഭവവും ബോർഡ് മീറ്റിംഗിൽ അടിയന്തരമായി ചർച്ച ചെയ്യണമെന്ന് എൽ.ഡി.എഫ് അംഗങ്ങൾ ആവശ്യപ്പെട്ടിരുന്നു. എന്നാൽ ഈ ആവശ്യം ഭരണസമിതി നിരാകരിച്ചതോടെയാണ് പ്രതിപക്ഷാംഗങ്ങൾ യോഗത്തിൽ നിന്നും ഇറങ്ങിപ്പോയത്.