വിചാരണക്കൂട്ടിൽ നിന്നും പുറത്തേക്ക് കാപ്പാ കേസ് പ്രതികൾ; മാസ് ഡയലോഗുകളോടെ റീൽ ചിത്രീകരണം, കേസെടുത്ത് പൊലീസ്

കൊല്ലം: കാപ്പാ കേസ് പ്രതികൾ ഉൾപ്പെടെയുള്ളവരെ ഉപയോഗിച്ച് കോടതിക്കുള്ളിൽ റീൽ ചിത്രീകരണം. കൊല്ലം അഡീഷണൽ ഡിസ്ട്രിക് കോടതി (3)യിലാണ് സംഭവം. 'അക്ഷയ് പാരിപ്പള്ളി' എന്ന അക്കൗണ്ട് വഴിയാണ് റീൽ പുറത്ത് വിട്ടത്.സംഭാഷണത്തോടെയാണ് വീഡിയോ പങ്കുവെച്ചിരിക്കുന്നത്. 'അവന്റെയൊക്കെ കൈ മാത്രമല്ല, കാലും വെട്ടണം' എന്ന സിനിമാ ഡയലോഗിലാണ് റീൽ തുടങ്ങുന്നത്.കോടതിയുടെ വിചാരണക്കൂട്ടിൽ നിൽക്കുന്നതും കോടതിക്ക് പുറത്തേക്ക് വരുന്നതും ചിത്രീകരിച്ചിട്ടുണ്ട്. സംഭവത്തിൽ വെസ്റ്റ് പൊലീസ് സ്വമേധയാ കേസെടുത്തു.