ബജറ്റിൽ സർക്കാരിന്റേത് ഗുണാത്മക സമീപനം: പ്രേംനാഥ് മംഗലശ്ശേരി

ബേപ്പൂർ: കേരള ബജറ്റ് സംസ്ഥാന ജീവനക്കാരെ സംബന്ധിച്ചിടത്തോളം ഏറെ പ്രതീക്ഷാനിർഭരവും ഗുണാത്മകവുമാണെന്ന് എൻ.ജി.ഒ. അസോസിയേഷൻ ജില്ലാ പ്രസിഡന്റ് പ്രേംനാഥ് മംഗലശ്ശേരി അഭിപ്രായപ്പെട്ടു. സംസ്ഥാന ബജറ്റിന് ഐക്യദാർഢ്യം പ്രഖ്യാപിച്ചുകൊണ്ട് എൻ.ജി.ഒ. അസോസിയേഷന്റെ നേതൃത്വത്തിൽ ബേപ്പൂർ തുറമുഖത്ത് സംഘടിപ്പിച്ച വിശദീകരണയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

​ചടങ്ങിൽ അസോസിയേഷൻ ബ്രാഞ്ച് പ്രസിഡന്റ് കെ. ജ്യോതിഷ്കുമാർ അധ്യക്ഷത വഹിച്ചു. ജില്ലാ ജോയിന്റ് സെക്രട്ടറി കെ.വി. ബാലകൃഷ്‌ണൻ, സംസ്ഥാന കൗൺസിൽ അംഗം എം.വി. ബഷീർ, മനോജ് പുളിക്കൽ, കെ. ബിജു തുടങ്ങിയ പ്രമുഖ നേതാക്കൾ ചടങ്ങിൽ സംബന്ധിക്കുകയും സംസാരിക്കുകയും ചെയ്തു.