വില്യാപ്പള്ളി യു.പി. സ്കൂളിൽ 'തെളിനീർ' പരിസ്ഥിതിവിദ്യാഭ്യാസ പദ്ധതിക്ക് തുടക്കമായി

വില്യാപ്പള്ളി: സ്കൂളിലെ വിവിധ പരിസ്ഥിതി സംഘടനകളുടെ സംയുക്ത ആഭിമുഖ്യത്തിൽ നടപ്പാക്കുന്ന 'തെളിനീർ' പരിസ്ഥിതിവിദ്യാഭ്യാസ പദ്ധതിക്ക് വില്യാപ്പള്ളി യു.പി. സ്കൂളിൽ തുടക്കമായി. മാലിന്യസംസ്കരണം, ഊർജസംരക്ഷണം തുടങ്ങിയ മേഖലകളിൽ വിദ്യാലയത്തെയും വിദ്യാർഥികളുടെയും അധ്യാപകരുടെയും വീടുകളെയും സ്വയംപര്യാപ്തമാക്കുക എന്നതാണ് ഈ പദ്ധതിയുടെ പ്രധാന ലക്ഷ്യം.

​സർക്കാരിന്റെ വനമിത്ര പുരസ്കാര ജേതാവ് വടയക്കണ്ടി നാരായണൻ പദ്ധതിയുടെ ഉദ്ഘാടനം നിർവഹിച്ചു. ചടങ്ങിൽ എൻ.കെ. ശരീഷ് അധ്യക്ഷത വഹിച്ചു. റഫീക്ക് മത്തത്ത്, എൻ.കെ. സലീന, എ.കെ. ബിന്ദു, മധുമിത, റിതിൻ ജോ, ദയൻ ദത്ത് തുടങ്ങിയവർ ചടങ്ങിൽ സംസാരിച്ചു.