മികച്ച സേവനം കാഴ്ചവെച്ച പോലീസ് ഉദ്യോഗസ്ഥർക്ക് പ്രശംസാപത്രം നൽകി ആദരിച്ചു

പൈനാവ്: ഇടുക്കി ജില്ലാ പോലീസിൽ മികച്ച സേവനം കാഴ്ചവെച്ച ഉദ്യോഗസ്ഥരെ ജില്ലാ പോലീസ് മേധാവി കെ.എം. സാബു മാത്യു പ്രശംസാപത്രം നൽകി ആദരിച്ചു. കേസന്വേഷണ പ്രവർത്തനങ്ങളിൽ മികവ് പുലർത്തിയ ജില്ലയിലെ 23 പോലീസ് സ്റ്റേഷനിലെ സ്റ്റേഷൻ ഹൗസ് ഓഫീസർമാരെയും അഞ്ച് പോലീസ് സബ് ഡിവിഷണൽ ഡെപ്യൂട്ടി പോലീസ് സൂപ്രണ്ടുമാരെയുമാണ് ചടങ്ങിൽ ആദരിച്ചത്.

​കേസന്വേഷണത്തിലെ കൃത്യതയും ഉത്തരവാദിത്വബോധവും പൊതുജനവിശ്വാസം വർധിപ്പിക്കുന്നതിൽ നിർണായകമാണെന്ന് ജില്ലാ പോലീസ് മേധാവി ഈ അവസരത്തിൽ വ്യക്തമാക്കുകയും ചെയ്തു.