വനമിത്ര പുരസ്‌കാര ജേതാവ് ഡോ. ദിലീപിന് വടകര സൗഹൃദക്കൂട്ടായ്മയുടെ സ്നേഹാദരം

വടകര: വനമിത്ര പുരസ്‌കാര ജേതാവ് ഡോ. ദിലീപ് കൊട്ടേമ്പ്രത്തിനെ വടകര സൗഹൃദക്കൂട്ടായ്മയുടെ നേതൃത്വത്തിൽ ആദരിച്ചു. ചടങ്ങിന്റെ ഉദ്ഘാടനം വടകര നഗരസഭാ ചെയർപേഴ്‌സൺ പി.കെ. ശശി നിർവഹിച്ചു. വത്സലൻ കുനിയിൽ അധ്യക്ഷത വഹിച്ച ചടങ്ങിൽ മണലിൽ മോഹനൻ മുഖ്യപ്രഭാഷണം നടത്തി. പി.പി. രാജൻ, പത്മനാഭൻ കണ്ണമ്പ്രത്ത്, പി.കെ. രാമചന്ദ്രൻ, പി.എം. മണി എന്നിവർ പരിപാടിയിൽ സംസാരിച്ചു.

​ചടങ്ങിൽ ഡോ. ദിലീപ് മറുപടി പ്രസംഗം നടത്തി. പരിപാടിയുടെ ഭാഗമായി പങ്കെടുത്തവർക്കെല്ലാം പച്ചക്കറി വിത്തുകളും വൃക്ഷത്തൈകളും വിതരണം ചെയ്തു.