ബാലുശ്ശേരിയിൽ കാറ്റിൽ മരം കടപുഴകി കാറിനുമുകളിലേക്ക് വീണു; യാത്രക്കാർ രക്ഷപ്പെട്ടത് അത്ഭുതകരമായി

ബാലുശ്ശേരി: കിനാലൂർ ഏഴുകണ്ടിയിൽ വ്യാഴാഴ്ച വൈകീട്ടുണ്ടായ ശക്തമായ കാറ്റിൽ കൂറ്റൻമരം ഓടിക്കൊണ്ടിരുന്ന കാറിനുമുകളിലേക്ക് കടപുഴകി വീണു. കാറിലുണ്ടായിരുന്ന മൂന്ന് യാത്രക്കാർ യാതൊരു പരിക്കുകളുമില്ലാതെ തലനാരിഴയ്ക്കാണ് വൻ ദുരന്തത്തിൽ നിന്നും രക്ഷപ്പെട്ടത്. വൈകിട്ടോടെ പ്രദേശത്ത് പെട്ടെന്ന് വീശിയടിച്ച ശക്തമായ കാറ്റിനെ തുടർന്ന്, ഈ സമയത്ത് റോഡിലൂടെ വരികയായിരുന്ന കാർ നിർത്തിയിട്ടതായിരുന്നു.

​മരം വീണതിനെ തുടർന്ന് കാറിന്റെ പിൻഭാഗം പൂർണ്ണമായും തകർന്ന നിലയിലാണ്. അപകടം നടന്നയുടൻ തന്നെ നാട്ടുകാരും സമീപത്തുണ്ടായിരുന്നവരും ചേർന്ന് വേഗത്തിൽ രക്ഷാപ്രവർത്തനം നടത്തി കാറിലുണ്ടായിരുന്നവരെ പുറത്തെത്തിച്ചു. തക്കസമയത്ത് കാർ നിർത്തിയിട്ടതിനാലാണ് വലിയൊരു അപകടത്തിൽ നിന്നും യാത്രക്കാർ രക്ഷപ്പെട്ടത്.