കനത്ത മഴയിൽ വർഷങ്ങൾ പഴക്കമുള്ള വീട് തകർന്നു വീണു; തൊണ്ണൂറ്റെട്ടുകാരി അത്ഭുതകരമായി രക്ഷപ്പെട്ടു

കൊടിയത്തൂർ: കനത്ത മഴയെ തുടർന്ന് കൊടിയത്തൂർ പഞ്ചായത്തിലെ ഏഴാം വാർഡിൽ ഉൾപ്പെട്ട മുണ്ടംപൊയിലിൽ തൊണ്ണൂറ്റെട്ടുകാരിയായ ചക്കിക്കുട്ടിയുടെ വീട് പൂർണമായും തകർന്നു. തിങ്കളാഴ്ച രാത്രിയോടെയാണ് വർഷങ്ങളോളം പഴക്കമുള്ള ഈ വീട് പൂർണമായി നിലംപൊത്തിയത്. അപകടം നടക്കുന്ന സമയത്ത് ചക്കിക്കുട്ടി വീട്ടിൽ ഇല്ലാതിരുന്നതിനാൽ വലിയൊരു ദുരന്തം ഒഴിവാകുകയും ഇവർ പരിക്കേൽക്കാതെ അത്ഭുതകരമായി രക്ഷപ്പെടുകയുമായിരുന്നു. എന്നാൽ വീട്ടുപകരണങ്ങളും പ്രധാനപ്പെട്ട രേഖകളും ഉൾപ്പെടെയുള്ളവയെല്ലാം വീടിന്റെ അവശിഷ്ടങ്ങൾക്കിടയിൽപ്പെട്ട് പൂർണ്ണമായും നശിച്ച നിലയിലാണ്.