കൊടുവള്ളി ബസ് സ്റ്റാൻഡ് നവീകരണത്തിന് 10 കോടി അനുവദിക്കണം; മന്ത്രിക്ക് നിവേദനം നൽകി

കൊടുവള്ളി: നഗരസഭ ബസ് സ്റ്റാൻഡ് കം ഷോപ്പിങ് കോപ്ലക്‌സ് ആധുനിക സൗകര്യങ്ങളോടെ പുതുക്കി നിർമിക്കുന്നതിനായി 10 കോടി രൂപ അനുവദിക്കണമെന്ന് ആവശ്യപ്പെട്ട് തദ്ദേശ സ്വയംഭരണ വകുപ്പ് മന്ത്രി കെ.എം. ഷാജിക്ക് നിവേദനം നൽകി. പി.കെ. ഫിറോസ് എം.എൽ.എ.യുടെ സാന്നിധ്യത്തിൽ നഗരസഭ ഡെപ്യൂട്ടി ചെയർപേഴ്‌സൺ കെ.കെ.എ. കാദർ, കൗൺസിലർ സി.കെ.സി. റഫീഖ് എന്നിവർ ചേർന്നാണ് നിവേദനം സമർപ്പിച്ചത്. സർക്കാരിന്റെ അടുത്ത ബജറ്റിൽ ഈ ആവശ്യത്തിന് പ്രഥമ പരിഗണന നൽകുമെന്ന് മന്ത്രി ഉറപ്പ് നൽകിയതായി നഗരസഭ ഡെപ്യൂട്ടി ചെയർപേഴ്‌സൺ അറിയിച്ചു.