പാചകവാതക വില വീണ്ടും കൂട്ടി; മൂന്നുമാസത്തിനിടെ രണ്ടു തവണ വിലവർധന

ന്യൂ ഡൽഹി: പൊതുജനങ്ങൾക്ക് വൻ തിരിച്ചടിയായി രാജ്യത്ത് വീണ്ടും പാചകവാതക വില വർധിപ്പിച്ചു. വീട്ടാവശ്യത്തിനുള്ള ഗാർഹിക സിലിണ്ടറിന് ഒറ്റയടിക്ക് 29 രൂപയാണ് ഇപ്പോൾ വർധിപ്പിച്ചിരിക്കുന്നത്. പുതിയ വിലവർധനവ് നിലവിൽ വന്നതോടെ കോഴിക്കോട് ഉൾപ്പെടെ കേരളത്തിലുടനീളം ഒരു എൽപിജി സിലിണ്ടറിന്റെ വില 951 രൂപ കടന്നു കഴിഞ്ഞു. കഴിഞ്ഞ മൂന്ന് മാസത്തിനിടെ ഇത് രണ്ടാം തവണയാണ് ഗാർഹിക പാചകവാതകത്തിന് വില കൂട്ടുന്നത് എന്നതിനാൽ സാധാരണക്കാരുടെ കുടുംബ ബജറ്റിനെ ഇത് കാര്യമായി ബാധിക്കും.