കൊടുവള്ളിയിൽ പതിനാലുകാരിക്ക് നേരെ ലൈംഗികാതിക്രമം: മദ്രസ അധ്യാപകൻ അറസ്റ്റിൽ

കോഴിക്കോട്: കൊടുവള്ളിയിൽ പതിനാലുകാരിയായ വിദ്യാർത്ഥിനിക്ക് നേരെ ലൈംഗികാതിക്രമം നടത്തിയ മദ്രസ അധ്യാപകനെ കൊടുവള്ളി പോലീസ് അറസ്റ്റ് ചെയ്തു. പുതുപ്പാടി കൈതപ്പൊയിൽ സ്വദേശി കാരാട്ടുപൊയിൽ കെ.പി. മുഹമ്മദ് ഷെരീഫ് (27) ആണ് പിടിയിലായത്. 2025 സെപ്റ്റംബറിലാണ് കേസിനാസ്പദമായ സംഭവം നടന്നത്.

​കുട്ടിക്ക് നേരെ അതിക്രമം നടന്ന വിവരമറിഞ്ഞ് ജില്ലാ ശിശുസംരക്ഷണ ഓഫീസർ നൽകിയ പരാതിയുടെ അടിസ്ഥാനത്തിലാണ് കൊടുവള്ളി പോലീസ് കേസെടുത്തത്. പോക്സോ (POCSO) വകുപ്പുകൾ പ്രകാരം അറസ്റ്റ് ചെയ്ത പ്രതിയെ താമരശ്ശേരി കോടതിയിൽ ഹാജരാക്കി നിലവിൽ റിമാൻഡ് ചെയ്തിട്ടുണ്ട്.