കൊല്ലം പുനലൂരിൽ അജ്ഞാത സംഘത്തിന്റെ വെട്ടേറ്റ് നാല് പേർക്ക് പരിക്ക്; രണ്ട് പേരുടെ നില ഗുരുതരം

കൊല്ലം: കൊല്ലം പുനലൂരിൽ കാറിലെത്തിയ അജ്ഞാത സംഘം നാല് പേരെ മാരകമായി വെട്ടിപ്പരിക്കേൽപ്പിച്ചു. ആക്രമണത്തിൽ പരിക്കേറ്റ രണ്ട് പേരുടെ നില അതീവ ഗുരുതരമാണ്. തൊളിക്കോട് സ്വദേശികളായ തങ്കച്ചൻ, അഖിൽ, ബിപിൻ, ഹരി എന്നിവർക്കാണ് വെട്ടേറ്റത്.

​ഗുരുതരമായി പരിക്കേറ്റ രണ്ടുപേരെ വിദഗ്ധ ചികിത്സയ്ക്കായി ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തെക്കുറിച്ച് വിവരമറിഞ്ഞ് പുനലൂർ പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. അക്രമികളെ കണ്ടെത്താനായുള്ള തിരച്ചിൽ പോലീസ് ഊർജ്ജിതമാക്കി.