സൈബർസുരക്ഷ; പ്രധാനാധ്യാപകർക്കായി ബോധവത്കരണ ക്ലാസ് സംഘടിപ്പിച്ചു

​ഫാറൂഖ് കോളേജ്: സമഗ്ര ശിക്ഷാ കേരള കോഴിക്കോട് ബി.ആർ.സി.യുടെ ആഭിമുഖ്യത്തിൽ വിദ്യാലയങ്ങളിലെ പ്രധാനാധ്യാപകർക്കായി സൈബർ ബോധവത്കരണ ക്ലാസ് സംഘടിപ്പിച്ചു. സിറ്റി പോലീസ് കമ്മിഷണർ മെർലിൻ ജോസഫ് പരിപാടി ഉദ്ഘാടനം ചെയ്‌തു. വാർഡ് കൗൺസിലർ നസീറാ റഹീസ് അധ്യക്ഷത വഹിച്ച ചടങ്ങിൽ തിരുവനന്തപുരത്തു നിന്നുള്ള പ്രമുഖ സൈബർ ക്രൈം ഇൻവെസ്റ്റിഗേറ്റർ ഇ.എസ്. ബിജുമോൻ അധ്യാപകർക്കായി ക്ലാസെടുത്തു.

​ഡിജിറ്റൽ യുഗത്തിൽ കുട്ടികളും മുതിർന്നവരും നേരിടുന്ന സൈബർ സുരക്ഷാ വെല്ലുവിളികളെക്കുറിച്ചും മുൻകരുതലുകളെക്കുറിച്ചും ക്ലാസിൽ വിശദമായി ചർച്ച ചെയ്തു. ചടങ്ങിൽ ബി.പി.സി. സുവർണ ചന്ദ്രോത്ത്, ഫാറൂഖ് ഹയർ സെക്കൻഡറി സ്കൂൾ പ്രിൻസിപ്പൽ അശ്റഫലി പാണാളി, ഫാറൂഖ് എ.എൽ.പി. സ്കൂൾ പ്രധാനാധ്യാപകൻ സി.പി. സൈഫുദ്ദീൻ എന്നിവർ പങ്കെടുത്തു സംസാരിച്ചു.