ലഹരിവ്യാപനത്തിനെതിരേ മാനാഞ്ചിറയിൽ 'ചിത്രമതിൽ' ഒരുങ്ങി

കോഴിക്കോട്: ലഹരിവ്യാപനത്തിനെതിരേ ജനങ്ങളിൽ ബോധവത്കരണമുണർത്താൻ പരസ്യകലാരംഗത്ത് പ്രവർത്തിക്കുന്ന കൊമേഴ്സ്യൽ ആർട്ടിസ്റ്റുകളുടെ സംഘടനയായ ഔട്ട്ഡോർ അഡ്വർടൈസേഴ്സ് അസോസിയേഷൻ ഓഫ് കേരളയുടെ (ഓക്ക്) നേതൃത്വത്തിൽ മാനാഞ്ചിറയ്ക്കുസമീപം ചിത്രമതിൽ തീർത്തു. ഇന്ത്യൻ യൂത്ത് അസോസിയേഷന്റെ സഹകരണത്തോടെ സംഘടിപ്പിച്ച ഈ വേറിട്ട പരിപാടിയിൽ മുപ്പതോളം പ്രമുഖ ചിത്രകാരന്മാർ പങ്കെടുത്തു.

​ഇന്ത്യൻ യൂത്ത് അസോസിയേഷൻ പ്രസിഡൻ്റ് മദൻ മോഹൻ അമ്പാട്ട് ചിത്രമതിലിന്റെ ഉദ്ഘാടനം നിർവഹിച്ചു. ചടങ്ങിൽ ഓക്ക് സംസ്ഥാനപ്രസിഡൻ്റ് മുരളി ബേപ്പൂർ അധ്യക്ഷത വഹിച്ചു. കെ.ടി. ദിനേശ്, കബീർദാസ്, സലിം പോപ്പുലാരിറ്റി, സുനിൽ ലയം, ബിജോയ് ചന്ദ്രൻ, സജിത് കുമാർ, ഉണ്ണി മാളിക്കടവ് എന്നിവർ ചടങ്ങിൽ സംസാരിച്ചു.