വയനാട്ടിൽ കനത്ത വേനൽമഴയും ആലിപ്പഴവീഴ്ചയും; കർഷകർ ആശങ്കയിൽ

തരുവണ: ജില്ലയിൽ ഞായറാഴ്ച വൈകീട്ട് പെയ്ത ശക്തമായ വേനൽമഴയ്ക്കൊപ്പം വിവിധയിടങ്ങളിൽ വ്യാപകമായ ആലിപ്പഴവീഴ്ച. തരുവണയിൽ സാമാന്യം വലുപ്പമുള്ള ആലിപ്പഴങ്ങളാണ് വീണത്. കൂടാതെ ബത്തേരി പാപ്ളശേരി, മൂന്നാനക്കുഴി, തരുവണ കരിങ്ങാരി, പുല്പള്ളി ചീയമ്പം തുടങ്ങിയ പ്രദേശങ്ങളിലും ആലിപ്പഴം പെയ്തു.

​ആദ്യഘട്ടത്തിൽ കൗതുകമുണർത്തിയെങ്കിലും, ആലിപ്പഴവീഴ്ച ശക്തമായതോടെ നാട്ടുകാർക്കിടയിൽ ആശങ്ക പടർന്നിട്ടുണ്ട്. കനത്ത രീതിയിൽ ആലിപ്പഴം പെയ്യുന്നത് തുടർന്നാൽ കൃഷിവിളകൾക്കും വീടുകളുടെ മേൽക്കൂരകൾക്കും വലിയ തോതിലുള്ള നാശനഷ്ടങ്ങൾ സംഭവിക്കുമെന്ന് പ്രദേശവാസികൾ ഭയപ്പെടുന്നു.