തിക്കോടിയിൽ ട്രെയിനിടിച്ച് അജ്ഞാതൻ മരിച്ചു; മൃതദേഹം ചിന്നിച്ചിതറിയ നിലയിൽ

പയ്യോളി: പയ്യോളി തിക്കോടിക്ക് സമീപം റെയിൽവേ ട്രാക്കിൽ അജ്ഞാതനെ ട്രെയിനിടിച്ച് മരിച്ച നിലയിൽ കണ്ടെത്തി. തിക്കോടി പെരുമാൾപുരം ഗവ. ഹൈസ്‌കൂളിന് പടിഞ്ഞാറ് ഭാഗത്തുള്ള ട്രാക്കിൽ ഇന്ന് പുലർച്ചെയായിരുന്നു അപകടം.

ഇന്ന് രാവിലെ 5.45-ഓടെ വടകര ഭാഗത്തേക്ക് പോവുകയായിരുന്ന മലബാർ എക്‌സ്പ്രസ് ഇടിച്ചാണ് മരണം സംഭവിച്ചത്. ട്രെയിനിന്റെ ലോക്കോ പൈലറ്റ് വിവരം അറിയിച്ചതിനെ തുടർന്ന് പയ്യോളി പോലീസ് സ്ഥലത്തെത്തി. മൃതദേഹം ട്രാക്കിൽ ചിന്നിച്ചിതറിയ നിലയിലായതിനാൽ ആളെ തിരിച്ചറിയാൻ സാധിച്ചിട്ടില്ല. മരിച്ചത് പുരുഷനാണെന്നാണ് പ്രാഥമിക നിഗമനം.