വോട്ടവകാശത്തിന്റെ കരുത്തോതാന്‍ എൻ.എസ്.എസ്. വൊളന്റിയർമാർ; നരിക്കുനിയിൽ ബോധവത്കരണ പരിപാടി

നരിക്കുനി: ജനാധിപത്യ പ്രക്രിയയിൽ ഓരോ വോട്ടിനുമുള്ള പ്രാധാന്യത്തെക്കുറിച്ച് പൊതുജനങ്ങളെ ബോധവൽക്കരിക്കുന്നതിനായി നരിക്കുനി ബൈത്തുൽ ഇസ്സു ആർട്‌സ് ആൻഡ് സയൻസ് കോളേജ് എൻ.എസ്.എസ്. യൂണിറ്റിന്റെ ആഭിമുഖ്യത്തിൽ വിപുലമായ പരിപാടികൾ സംഘടിപ്പിച്ചു. കോളേജ് വൈസ് പ്രിൻസിപ്പൽ കെ. ഷമീർ പരിപാടിയുടെ ഉദ്ഘാടനം നിർവഹിച്ചു.

​തിരഞ്ഞെടുപ്പിൽ ഉത്തരവാദിത്വത്തോടെ പങ്കാളികളാകേണ്ടതിന്റെ ആവശ്യകത ജനങ്ങളിലെത്തിക്കാൻ വൊളന്റിയർമാർ വിവിധ ഇടങ്ങളിൽ ബോധവത്കരണ പോസ്റ്ററുകളും ലഘുലേഖകളും വിതരണം ചെയ്തു. വോട്ടവകാശം വിനിയോഗിക്കേണ്ടത് ഓരോ പൗരന്റെയും കടമയാണെന്ന സന്ദേശവും ഇവർ ജനങ്ങൾക്ക് കൈമാറി. എൻ.എസ്.എസ്. പ്രോഗ്രാം ഓഫീസർ എം. ജയരേഖ പരിപാടികൾക്ക് നേതൃത്വം നൽകി.