ചോമ്പാല എൽ.പി. സ്‌കൂൾ വാർഷികാഘോഷം സാഹിത്യകാരൻ വീരാൻകുട്ടി ഉദ്ഘാടനം ചെയ്തു

ചോമ്പാല എൽ.പി. സ്‌കൂളിന്റെ 127-ാം വാർഷികാഘോഷം പ്രശസ്ത സാഹിത്യകാരൻ വീരാൻകുട്ടി ഉദ്ഘാടനം ചെയ്തു. പി.ടി.എ. പ്രസിഡന്റ് കെ.കെ. ഷൈലേഷിന്റെ അധ്യക്ഷതയിൽ നടന്ന ചടങ്ങിൽ വിവിധ മേഖലകളിൽ മികച്ച നേട്ടങ്ങൾ കൈവരിച്ചവരെ ആദരിച്ചു.

​പൂർവ്വ വിദ്യാർഥികളായ ഡോ. ശ്രേയ ശ്രീധരൻ, നീരജ ഡി., അനാമിക എം.എം. എന്നിവരെയും വിദ്യാലയത്തിൽനിന്ന് എൽ.എസ്.എസ്. കരസ്ഥമാക്കിയ അനൈൻ സി., അഥർവ് പി., സുഹൈൽ പി., ശിവദേവ്, ശിവദർശ് എന്നിവരെയും ചോമ്പാല എ.ഇ.ഒ സപ്‌ന ജൂലിയറ്റ് ആദരിച്ചു. കൂടാതെ ഭാരത് സേവക് സമാജ് ദേശീയ അവാർഡ് ജേതാവ് പ്രേംജിത്ത് ചോമ്പാലയെയും ചടങ്ങിൽ ആദരിക്കുകയുണ്ടായി.

​മാനേജർ നാരായണൻ നമ്പ്യാർ, പ്രധാനാധ്യാപകൻ സി. ഷിമിത്ത്, സുരേഷ് ബാബു, എ.ടി. ശ്രീധരൻ, യതീഷ് സി. എന്നിവർ ചടങ്ങിൽ ആശംസകൾ നേർന്ന് സംസാരിച്ചു. വിദ്യാർഥികളുടെ വൈവിധ്യമാർന്ന കലാപരിപാടികളും വാർഷികാഘോഷത്തിന്റെ ഭാഗമായി അരങ്ങേറി.