രേഖകളില്ലാത്ത പണവുമായി കോഴിക്കോട് സ്വദേശി മേലാറ്റൂരിൽ പിടിയിൽ

മലപ്പുറം ജില്ലയിലെ മേലാറ്റൂരിൽ രേഖകളില്ലാതെ കടത്തുകയായിരുന്ന ലക്ഷക്കണക്കിന് രൂപയുമായി കോഴിക്കോട് സ്വദേശി പോലീസ് പിടിയിലായി. കൊടുവള്ളി വാവാട് കുരിയാനിക്കൽ സ്വദേശി മുഹമ്മദ് മിഷാബ് (32) ആണ് മേലാറ്റൂർ പോലീസിന്റെ വലയിലായത്. ഇയാളിൽ നിന്ന് 19,75,000 രൂപയാണ് പിടിച്ചെടുത്തത്.

​രഹസ്യവിവരത്തിന്റെ അടിസ്ഥാനത്തിൽ മേലാറ്റൂരിൽ വെച്ച് പോലീസ് നടത്തിയ പരിശോധനയിലാണ് പണം കണ്ടെത്തിയത്. പാണ്ടിക്കാട് നിന്നും മണ്ണാർക്കാട്ടേക്ക് സ്വകാര്യ ബസ്സിൽ യാത്ര ചെയ്യുകയായിരുന്നു മിഷാബ്. പണത്തിന്റെ ഉറവിടം സംബന്ധിച്ച കൃത്യമായ രേഖകൾ ഹാജരാക്കാൻ കഴിയാത്തതിനെത്തുടർന്ന് ഇയാളെ കസ്റ്റഡിയിലെടുക്കുകയായിരുന്നു. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.