യുഡിഎഫ് പ്രചാരണത്തിന് ഊർജ്ജമേകാൻ രാഹുൽ ഗാന്ധി ഇന്ന് കൊയിലാണ്ടിയിൽ

നിയമസഭാ തെരഞ്ഞെടുപ്പ് പ്രചാരണത്തിന് കരുത്തുപകരാൻ കോൺഗ്രസ് നേതാവ് രാഹുൽ ഗാന്ധി ഇന്ന് കൊയിലാണ്ടിയിലെത്തും. യു.ഡി.എഫ് സ്ഥാനാർത്ഥി കെ. പ്രവീൺ കുമാറിന്റെ വിജയത്തിനായുള്ള പ്രചാരണ പരിപാടികളിലാണ് അദ്ദേഹം പങ്കുചേരുന്നത്. വൈകിട്ട് നാല് മണിയോടെ കൊയിലാണ്ടിയിൽ വമ്പിച്ച റോഡ് ഷോ സംഘടിപ്പിക്കും.

​പഴയ ചിത്ര ടാക്കീസ് പരിസരത്തുനിന്ന് ആരംഭിക്കുന്ന റോഡ് ഷോ നഗരം ചുറ്റി കൊയിലാണ്ടി സ്റ്റേഡിയത്തിലാണ് സമാപിക്കുക. മുസ്ലിം ലീഗ് സംസ്ഥാന അധ്യക്ഷൻ പാണക്കാട് മുനവ്വറലി തങ്ങൾ, കെ.പി.സി.സി ആക്ടിങ് പ്രസിഡന്റ് ഷാഫി പറമ്പിൽ എം.പി, എ.ഐ.സി.സി ജനറൽ സെക്രട്ടറി കെ.സി വേണുഗോപാൽ തുടങ്ങി യു.ഡി.എഫിന്റെ പ്രമുഖ നേതാക്കളും രാഹുൽ ഗാന്ധിക്കൊപ്പം റോഡ് ഷോയിൽ അണിനിരക്കും. രാഹുൽ ഗാന്ധിയുടെ സന്ദർശനത്തോടനുബന്ധിച്ച് നിയോജക മണ്ഡലത്തിലെ പ്രവർത്തകർ വലിയ ആവേശത്തിലാണ്.