നീർവേലി കിരാതമൂർത്തി ക്ഷേത്രോത്സവം: ഭക്തിസാന്ദ്രമായ വരവുകളോടെ സമാപനം

നരിപ്പറ്റ നീർവേലി കിരാതമൂർത്തി ക്ഷേത്രോത്സവത്തിന്റെ ഭാഗമായി വിവിധ പ്രദേശങ്ങളിൽനിന്ന് പുറപ്പെട്ട വരവുകൾ ഭക്തിനിർഭരമായ ചടങ്ങുകളോടെ ക്ഷേത്രസന്നിധിയിൽ സമാപിച്ചു. ഞായറാഴ്ച രാവിലെ നടന്ന ആയുധംവരവും വൈകുന്നേരത്തെ ഇളനീർവരവ്, തണ്ടാൻവരവ്, പൂക്കലശംവരവ് എന്നിവയും ആഘോഷങ്ങൾക്ക് മാറ്റുകൂട്ടി. ഇതിനുശേഷം അന്നദാനം, ഗുളികൻ, കുട്ടിച്ചാത്തൻ, കിരാതമൂർത്തി എന്നിവരുടെ വെള്ളാട്ടങ്ങളും അരങ്ങേറി. തിങ്കളാഴ്ച രാവിലെ ഗുളികൻ, കുട്ടിച്ചാത്തൻ, കിരാതമൂർത്തി തിറകളും അന്നദാനവും നടന്നു.