രാമനാട്ടുകരയിൽ ശക്തമായ കാറ്റിലും മഴയിലും തെങ്ങ് കടപുഴകി; വൈദ്യുതത്തൂണുകൾ തകർന്നു

രാമനാട്ടുകരയിൽ ശനിയാഴ്ച ഉച്ചയ്ക്കുശേഷം ഉണ്ടായ കനത്ത കാറ്റിലും മഴയിലും തെങ്ങ് കടപുഴകി വീണ് രണ്ട് വൈദ്യുതത്തൂണുകൾ തകർന്നു. രാമനാട്ടുകര കൃഷിഭവൻ റോഡിൽ കുന്നംവള്ളിത്താഴം ഭാഗത്തെ സ്വകാര്യ വ്യക്തിയുടെ പറമ്പിൽ നിന്നാണ് തെങ്ങ് പ്രധാന റോഡിലേക്ക് വീണത്. അപകടത്തെത്തുടർന്ന് മേഖലയിൽ വൈദ്യുതി ബന്ധം പൂർണ്ണമായും നിലച്ചിരിക്കുകയാണ്. വൈദ്യുതി പുനഃസ്ഥാപിക്കാനുള്ള നടപടികൾ കെ.എസ്.ഇ.ബി അധികൃതർ ആരംഭിച്ചിട്ടുണ്ട്.