മലയാളസിനിമയിലെ ഇതിഹാസ തിരക്കഥാകൃത്ത് ടി. ദാമോദരനെ അനുസ്മരിച്ചു

മലയാള സിനിമയിലെ വമ്പൻ ഹിറ്റുകളുടെ സ്രഷ്ടാവും നടൻ, നാടകരചയിതാവ്, കളിയെഴുത്തുകാരൻ എന്നീ നിലകളിൽ വ്യക്തിമുദ്ര പതിപ്പിച്ച ബഹുമുഖ പ്രതിഭയുമായിരുന്നു ടി. ദാമോദരനെന്ന് മാതൃഭൂമി ചെയർമാനും മാനേജിങ് എഡിറ്ററുമായ പി.വി. ചന്ദ്രൻ അനുസ്മരിച്ചു. മലയാള ചലച്ചിത്ര കാണികൾ (മക്കൾ) എന്ന സംഘടനയുടെ ആഭിമുഖ്യത്തിൽ കോഴിക്കോട്ട് സംഘടിപ്പിച്ച ടി. ദാമോദരൻ അനുസ്മരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. സാഹിത്യകാരൻ പി.ആർ. നാഥൻ ചടങ്ങിൽ അനുസ്മരണ പ്രഭാഷണം നടത്തി.

​സംഘടനയുടെ പ്രസിഡന്റ് പി.ഐ. അജയൻ അധ്യക്ഷത വഹിച്ച ചടങ്ങിൽ നടനും അഭിഭാഷകനുമായ എം.കെ. അയ്യപ്പനെ പ്രത്യേകം ആദരിച്ചു. സി.ഇ. ചാക്കുണ്ണി, ടി.പി. വാസു, കെ.പി.എ. ലത്തീഫ്, പി. പ്രേംചന്ദ്, സുനിൽ കാരന്തൂർ, നവാസ് പൂനൂർ, അജിത മാധവ്, സി. രമേഷ്, എൽസി സുകുമാരൻ, ജോഷി പോൾ, വി. ജയൻ ബാലകൃഷ്ണൻ, ജോസി വി. ചുങ്കത്ത്, എ.പി. ബാലകൃഷ്ണൻ, പത്മനാഭൻ വേങ്ങേരി, വി.പി. സനീബ് കുമാർ എന്നിവർ സംസാരിച്ചു.