കോഴിക്കോട് അതിരാത്രം: കക്കോടിയിൽ യജ്ഞശാലാ നിർമ്മാണം അവസാനഘട്ടത്തിൽ; ഏപ്രിൽ 17 മുതൽ തുടക്കം

കോഴിക്കോട് കക്കോടി ഒറ്റത്തെങ്ങിലെ വേദമഹാമന്ദിരത്തിൽ ആചാര്യശ്രീ രാജേഷിന്റെ നേതൃത്വത്തിൽ കാശ്യപ വേദ റിസർച്ച് ഫൗണ്ടേഷൻ സംഘടിപ്പിക്കുന്ന അതിരാത്രത്തിന്റെ ഒരുക്കങ്ങൾ വേഗത്തിൽ പുരോഗമിക്കുന്നു. ഏപ്രിൽ 17 മുതൽ 26 വരെ നടക്കുന്ന ഈ ബൃഹത്തായ യജ്ഞത്തിനായുള്ള യജ്ഞശാലയുടെ നിർമ്മാണം ഇപ്പോൾ അവസാനഘട്ടത്തിലാണ്.

​ചരിത്രത്തിലാദ്യമായാണ് കോഴിക്കോട് നഗരത്തിൽ ഇത്തരമൊരു അതിരാത്രം സംഘടിപ്പിക്കുന്നത് എന്ന പ്രത്യേകതയുമുണ്ട്. ജാതി-മത-ലിംഗ ഭേദമന്യേ എല്ലാവർക്കും യജ്ഞശാലയിൽ പ്രവേശനം അനുവദിക്കുമെന്നത് ശ്രദ്ധേയമാണ്. യാഗസംസ്കാരവുമായി ബന്ധപ്പെട്ട് ഭാരതത്തിലുണ്ടായ ഗണിത-ജ്യോതിശ്ശാസ്ത്ര വളർച്ചയുടെ ചരിത്രം വിവരിക്കുന്ന പ്രത്യേക പ്രദർശനവും യാഗഭൂമിയിൽ ഒരുക്കുന്നുണ്ട്.