പാചകവാതക ക്ഷാമം: ഹോട്ടൽ വ്യാപാരികൾ തിങ്കളാഴ്ച നടത്താനിരുന്ന സംസ്ഥാന വ്യാപക സമരം മാറ്റി

കോഴിക്കോട്: പാചകവാതക ക്ഷാമത്തിൽ പ്രതിഷേധിച്ച് കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ മാർച്ച് 23 തിങ്കളാഴ്ച നടത്താനിരുന്ന കടയടപ്പ് സമരം പിൻവലിച്ചു. സിവിൽ സപ്ലൈസ് കമ്മീഷണറുമായി നടത്തിയ ഓൺലൈൻ ചർച്ചയിൽ ആവശ്യങ്ങളിൽ അനുകൂലമായ ഉറപ്പ് ലഭിച്ചതിനെ തുടർന്നാണ് തീരുമാനം.

​ഹോട്ടലുകൾക്ക് ആവശ്യമായ സിലിണ്ടറുകളുടെ 20 ശതമാനം അടിയന്തരമായി വിതരണം ചെയ്യാമെന്നും, ഹോട്ടൽ മേഖലയെ അവശ്യ സേവന വിഭാഗമായി അംഗീകരിക്കുന്ന കാര്യം പരിഗണിക്കാമെന്നും കമ്മീഷണർ ഉറപ്പുനൽകി. ഈ സാഹചര്യത്തിലാണ് സമരം താൽക്കാലികമായി മാറ്റിവെക്കാൻ ഭാരവാഹികൾ തീരുമാനിച്ചത്.