ഒരുമയുടെ സന്ദേശമായി വടകരയിൽ ഈദ്ഗാഹ്

വടകര: വടകര സംയുക്ത ഈദ്‌ഗാഹ് കമ്മിറ്റിയുടെ ആഭിമുഖ്യത്തിൽ നാരായണനഗരം ഗ്രൗണ്ടിൽ നടന്ന ഈദ് നമസ്‌കാരത്തിൽ സ്ത്രീകളും കുട്ടികളും ഉൾപ്പെടെ നൂറുകണക്കിന് വിശ്വാസികൾ അണിനിരന്നു. രാവിലെ ഏഴു മണിക്ക് ആരംഭിച്ച പ്രാർഥനയ്ക്ക് വടകര മസ്‌ജിദുൽ മുജാഹിദീൻ ഖത്തീബ് മുഹമ്മദ് റാഫി കോട്ടക്കൽ നേതൃത്വം നൽകി. സംയുക്ത ഈദ്ഗാഹ് കമ്മിറ്റി ഭാരവാഹികളുടെ നേതൃത്വത്തിൽ വിപുലമായ സൗകര്യങ്ങളാണ് ഗ്രൗണ്ടിൽ ഒരുക്കിയിരുന്നത്.