ആയുർവേദ ആശുപത്രിയിൽ പേ വാർഡ് ബ്ലോക്ക് തുറന്നു; നഗരസഭ ചെലവഴിച്ചത് 36 ലക്ഷം രൂപ

പയ്യോളി: തച്ചൻകുന്നിൽ പ്രവർത്തിക്കുന്ന കൊയിലാണ്ടി താലൂക്ക് ഗവൺമെന്റ് ആയുർവേദ ആശുപത്രിയിൽ പുതുതായി നിർമിച്ച പേ വാർഡ് ബ്ലോക്ക് പ്രവർത്തനം ആരംഭിച്ചു. പയ്യോളി നഗരസഭയുടെ വാർഷിക പദ്ധതിയിൽ ഉൾപ്പെടുത്തി 36 ലക്ഷം രൂപ ചെലവഴിച്ചാണ് ബ്ലോക്കിന്റെ നിർമാണം പൂർത്തിയാക്കിയത്.

​നഗരസഭാ ചെയർപേഴ്‌സൺ എൻ. സാഹിറ ഉദ്ഘാടനകർമ്മം നിർവഹിച്ചു. വൈസ് ചെയർമാൻ മുജേഷ് ശാസ്ത്രി അധ്യക്ഷത വഹിച്ച ചടങ്ങിൽ ആരോഗ്യ സ്ഥിരംസമിതി അധ്യക്ഷ കെ.ടി. സിന്ധു, സി.പി. ഫാത്തിമ, പി. ബാലകൃഷ്‌ണൻ, പി. കുഞ്ഞാമു, പി.എം. ഹൈറുന്നിസ, എം.വി. ബാബു, കെ. ജയകൃഷ്‌ണൻ, വി.കെ. അബ്ദുറഹ്‌മാൻ, മെഡിക്കൽ ഓഫീസർ ഡോ. എൻ. രാജേഷ്, ഡോ. എൻ.കെ. ഹൈറുന്നിസ എന്നിവർ സംസാരിച്ചു.