പയ്യോളിയിൽ നിയന്ത്രണം വിട്ട കാറിടിച്ച് വൈദ്യുതത്തൂൺ തകർന്നു

പയ്യോളി: കൊളാവിപ്പാലം ബീച്ച് റോഡിൽ റേഷൻകടയ്ക്ക് സമീപം വെള്ളിയാഴ്ച വൈകീട്ടോടെയാണ് അപകടമുണ്ടായത്. നിയന്ത്രണം വിട്ട കാർ വൈദ്യുതത്തൂണിലിടിച്ച് റോഡരികിലെ താഴ്ചയിലേക്ക് ഇറങ്ങി നിൽക്കുകയായിരുന്നു. ഇടിയുടെ ആഘാതത്തിൽ തൂൺ പൂർണ്ണമായും തകർന്നു. വടകര കസ്റ്റംസ് റോഡ് സ്വദേശികളായ മൂന്ന് യുവാക്കളാണ് കാറിലുണ്ടായിരുന്നത്; ഇവർ പരിക്കേൽക്കാതെ അത്ഭുതകരമായി രക്ഷപ്പെട്ടു. അപകടത്തിൽ കാറിന്റെ ഒരു ഭാഗം തകർന്നിട്ടുണ്ട്.