പറവകൾക്കായി കുടിവെള്ളം ഒരുക്കി റെഡ്ക്രോസ് കേഡറ്റുകൾ

പോർക്കുളം : വെസ്റ്റ് മങ്ങാട് സെയ്ന്റ് ജോസഫ്‌സ് ആൻഡ് സെയ്ന്റ് സിറിൽ ഹയർസെക്കൻഡറി സ്കൂ‌ളിലെ റെഡ് ക്രോസ് യൂണിറ്റിൻ്റെ നേതൃത്വത്തിൽ പറവകൾക്കായി വിദ്യാലയാങ്കണത്തിൽ കുടിവെള്ള പാത്രങ്ങൾ സ്ഥാപിച്ചു.

സ്കൂളിൽ നടന്ന ചടങ്ങ് പ്രധാനാധ്യാപിക കെ.എസ് ജെൻസി ഉദ്ഘാടനംചെയ്തുതു.അമ്പിളി പീറ്റർ പദ്ധതി വിശദീകരിച്ചു. കൗൺസിലർമാരായ പി.ജെ. ജിൻസി. ജിംഷാ ഇടൂപ്പ്, ജിജി തമ്പി എന്നിവർ പ്രസംഗിച്ചു. വരുംദിവസങ്ങളിൽ വീടുകളിലും പറവകൾക്കായി പാനപാത്രങ്ങൾ സ്ഥാപിക്കുമെന്ന് വിദ്യാർഥികൾ പ്രതിജ്ഞയെടുത്തു. വിദ്യാർഥികളായ കെ.ആർ. കൃഷ്‌ണകാന്ത്, പ്രജ്വൽ സി. പ്രമോദ്, അനാ റോസ് സി. സാജു എന്നിവർ പരിപാടികൾക്ക് നേതൃത്വം നൽകി.