ലോകജലദിനം: കോഴിക്കോട് സൗത്ത് ബീച്ചിൽ ശുചീകരണ യജ്ഞം

ലോകജലദിനത്തിന് മുന്നോടിയായി കോഴിക്കോട് കോർപ്പറേഷനും റിലയൻസ് ഫൗണ്ടേഷനും സംയുക്തമായി സൗത്ത് ബീച്ചിൽ ശുചീകരണ പ്രവർത്തനങ്ങൾ നടത്തി. ഒരു കിലോമീറ്ററോളം നീളത്തിൽ കടലോരം വൃത്തിയാക്കിയ ഈ ദൗത്യത്തിലൂടെ ഏകദേശം ഒരു ടൺ മാലിന്യമാണ് ശേഖരിച്ചത്. ശേഖരിച്ച മാലിന്യങ്ങൾ ശാസ്ത്രീയമായ പുനചംക്രമണത്തിനായി പ്രത്യേക ഏജൻസിക്ക് കൈമാറി. കോർപ്പറേഷൻ്റെ സ്വച്ച് സർവേക്ഷൻ പ്രവർത്തനങ്ങളുടെ ഭാഗമായി നഗരത്തിലെ ജലാശയങ്ങൾ സംരക്ഷിക്കുന്നതിന്റെ തുടർച്ചയായാണ് ഈ ശുചീകരണ യജ്ഞം സംഘടിപ്പിച്ചത്.

​ക്ലീൻ സിറ്റി മാനേജർ കെ. ദിലീപ് കുമാർ, സീനിയർ പബ്ലിക് ഹെൽത്ത് ഇൻസ്‌പെക്ടർ രജീഷ് ബാബു, എൻ.ആർ. ശശി, പബ്ലിക് ഹെൽത്ത് ഇൻസ്‌പെക്ടർമാരായ അബ്ദുൾ അസീസ്, സിഞ്ചിനി, റിലയൻസ് ഫൗണ്ടേഷൻ പ്രോജക്ട് മാനേജർ ക്രിസ്റ്റോ ജോസഫ് എന്നിവർ ഈ പ്രവർത്തനങ്ങൾക്ക് നേതൃത്വം നൽകി.

​മിഠായിത്തെരുവിൽ നടപ്പാതയിലെ കൈയേറ്റങ്ങൾ നീക്കം ചെയ്തു

​

കോഴിക്കോട്: മിഠായിത്തെരുവിൽ കാൽനടയാത്രക്കാർക്ക് തടസ്സമുണ്ടാക്കുന്ന രീതിയിൽ നിരത്തിയിരുന്ന കച്ചവട സാധനങ്ങൾ അധികൃതർ നീക്കം ചെയ്തു. പാതയോരങ്ങളിൽ മേശകളും മറ്റും നിരത്തി കാൽനടയാത്ര ദുഷ്കരമാക്കുന്ന സാഹചര്യത്തിലാണ് ഈ നടപടി സ്വീകരിച്ചത്. സീനിയർ ഹെൽത്ത് ഇൻസ്‌പെക്ടർ ബിജു ജയറാം, പബ്ലിക് ഹെൽത്ത് ഇൻസ്‌പെക്ടർ ടി.കെ. അശോകൻ എന്നിവരുടെ നേതൃത്വത്തിലാണ് പരിശോധനയും സാധനങ്ങൾ നീക്കം ചെയ്യലും നടന്നത്.