'പറവകൾക്ക് മുളംതണ്ടിൽ ദാഹജലം' പദ്ധതി തുടങ്ങി

കക്കാട് : ഓയിസ്ക്‌ ഇൻ്റർനാഷണൽ കണ്ണൂർ ചാപ്റ്റർ, കക്കാട് സെൻട്രൽ റെസിഡൻ്റ്സ് അസോസിയേഷൻ എന്നിവയുടെ നേത്യത്വത്തിൽ 'പറവകൾക്ക് മുളംതണ്ടിൽ ദാഹജലം പദ്ധതി തുടങ്ങി. ഒയിസ്‌ക ട്രസ്റ്റ് ബോർഡംഗം കെ.കെ. ചന്ദ്രൻ ഉദ്ഘാടനംചെയ്‌തു. റെസിഡന്റ്സ് അസോസിയേഷൻ പ്രസിഡൻ്റ് വിനോഭായ് പ്രഭാകരൻ അധ്യക്ഷതവഹിച്ചു.

പ്രൊഫ. ഖലിൽ ചൊവ്വ മുഖ്യപ്രഭാഷണം നടത്തി. ഓയിസ്ക ജില്ലാ പ്രസിഡന്റ് വിനോദ് ചന്ദ്രൻ, കണ്ണൂർ ചാപ്റ്റർ പ്രസിഡന്റ് സി.കെ. മനോജ്, ജില്ലാ സെക്രട്ടറി കക്കോത്ത് പ്രഭാകരൻ, ടി.വി. സൂരജ് എന്നിവർ സംസാരിച്ചു. കക്കോത്ത് പ്രഭാകരന്റെ നേതൃത്വത്തിൽ 1,000 ഇടങ്ങളിൽ മുളംതണ്ടിൽ ദാഹജലം ഒരുക്കുന്ന പദ്ധതിയുടെ ഭാഗമായാണ് പരിപാടി സംഘടിപ്പിച്ചത്.