നിയമസഭാ തിരഞ്ഞെടുപ്പ്: കോഴിക്കോട് നഗരത്തിൽ പോലീസിന്റെയും കേന്ദ്രസേനയുടെയും റൂട്ട് മാർച്ച്

നിയമസഭാ തിരഞ്ഞെടുപ്പിനോടനുബന്ധിച്ചുള്ള സുരക്ഷാക്രമീകരണങ്ങളുടെ ഭാഗമായി കോഴിക്കോട് നഗരത്തിന്റെ വിവിധ ഭാഗങ്ങളിൽ പോലീസും കേന്ദ്ര സായുധ സേനയും സംയുക്തമായി റൂട്ട് മാർച്ച് നടത്തി. പൊതുജനങ്ങളിൽ സുരക്ഷാബോധം ഉറപ്പുവരുത്തുന്നതിനായി ടൗൺ, മെഡിക്കൽ കോളേജ്, ഫറോക്ക് സബ് ഡിവിഷനുകൾ കേന്ദ്രീകരിച്ചായിരുന്നു മാർച്ച് സംഘടിപ്പിച്ചത്.

​ടൗൺ സബ് ഡിവിഷനിൽ അസിസ്റ്റന്റ് കമ്മിഷണർ പ്രമോദന്റെ നേതൃത്വത്തിൽ വെള്ളയിൽ, ടൗൺ, നടക്കാവ്, എലത്തൂർ മേഖലകളിലും, മെഡിക്കൽ കോളേജ് സബ് ഡിവിഷനിൽ അസിസ്റ്റന്റ് കമ്മിഷണർ ബിജുവിന്റെ നേതൃത്വത്തിൽ ചേവായൂർ, മെഡിക്കൽ കോളേജ് പരിധികളിലും മാർച്ച് നടന്നു. കൂടാതെ ഫറോക്ക് അസിസ്റ്റന്റ് കമ്മിഷണർ പ്രേംജിത്തിന്റെ നേതൃത്വത്തിൽ ബേപ്പൂർ, മാറാട് സ്റ്റേഷൻ പരിധികളിലും സേനാംഗങ്ങൾ റൂട്ട് മാർച്ച് നടത്തി തിരഞ്ഞെടുപ്പ് സുരക്ഷാ സന്ദേശം കൈമാറി.