കാറഡുക്ക ബോക്സൈറ്റ് ഖനനം: സി.പി.എം. കളക്ടറേറ്റ് മാർച്ച് നടത്തി

കാസർകോട് : കാറഡുക്ക പഞ്ചായത്തിലെ കൊട്ടംകുഴി, കുണ്ടടുക്കം, നാർളം, കല്ലളിക്കാൽ, ചായിത്തലം, കർമംതോടി, പയ്യനടുക്കം, പാണൂർ പ്രദേശങ്ങളിൽ ബോക്സൈറ്റ് ഖനനം നടത്താനുള്ള നീക്കത്തിൽനിന്ന് അധികൃതർ പിന്മാറണമെന്നും നടപടികൾ നിർത്തിവെക്കണമെന്നുമാവശ്യപ്പെട്ട് സി.പി.എം. കാടകം ലോക്കൽ കമ്മിറ്റി കളക്‌ടറേറ്റ് മാർച്ച് നടത്തി. കാറഡുക്ക ഏരിയാ സെക്രട്ടറി എം.മാധവൻ ഉദ്ഘാടനം ചെയ്തു. ഏരിയാകമ്മിറ്റിയംഗം എ.വിജയകുമാർ അധ്യക്ഷനായി.

മോഹനൻ കാടകം, സി.കെ.വിജയകുമാർ, കെ.പി.സുജല, കെ.ശങ്കരൻ, കെ.വി.നവീൻ, എസ്.ആർ.സത്യവതി, ലോക്കൽ സെക്രട്ടറി കെ.ജയൻ എന്നിവർ സംസാരിച്ചു. ഖനന നടപടികളുമായി മുന്നോട്ടുപോയാൽ സമരത്തിന് ഇറങ്ങാനുള്ള ഒരുക്കത്തിലാണ് പാർട്ടി.