കോരപ്പുഴ പാലത്തിന് സമീപം കാറും ബൈക്കും കൂട്ടിയിടിച്ചു; രണ്ട് യുവാക്കൾക്ക് പരിക്ക്

എലത്തൂർ: വെങ്ങളം-രാമനാട്ടുകര ബൈപ്പാസിൽ കോരപ്പുഴ പാലത്തിന് സമീപം കാറും ബൈക്കും കൂട്ടിയിടിച്ച് രണ്ട് യുവാക്കൾക്ക് ഗുരുതരമായി പരിക്കേറ്റു. ബുധനാഴ്ച രാത്രി വൈകിയാണ് അപകടം നടന്നത്. പൊയിൽക്കാവ് പയങ്ങോത്തുകുനി അതുൽ (24), എടക്കുളം പറമ്പത്ത് വീട്ടിൽ ആകാശ് (24) എന്നിവർക്കാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

​കൊയിലാണ്ടി ഭാഗത്തുനിന്ന് വരികയായിരുന്ന ബൈക്ക്, പാലത്തിന് സമീപത്തെ ഡിവൈഡറിനിടയിലൂടെ യു-ടേൺ എടുക്കുന്നതിനിടെയാണ് കാർ ഇടിച്ചത്. അപകടത്തിൽ ബൈക്ക് പൂർണ്ണമായും തകർന്നു. എലത്തൂർ പോലീസ് സ്ഥലത്തെത്തി തുടർനടപടികൾ സ്വീകരിച്ചു.